ქალაქ ატენისა და ატენის ხეობის მნიშვნელობა X-XII საუკუნეების ქართულ პოლიტიკაში

ანოტაცია

ტანას ხეობა თრიალეთის ქედის ჩრდილო კალთაზე მდებარეობს და ადრეული პერიოდიდანვე მნიშვნელოვანი სტრატეგიული და სამეურნეო სივრცე იყო. ხეობაზე გადიოდა შიდა ქართლის ქვემო ქართლთან, სომხეთთან და მესხეთ-ჯავახეთთან დამაკავშირებელი გზა; ტერიტორია საუკუნეების განმავლობაში სამეფო კარისა და ეკლესიის ინტერესის საგანს წარმოადგენდა. X საუკუნეში „ატენის ქვეყანას“ ბაღვაშთა ძლიერი ფეოდალური სახლი ფლობდა, მოგვიანებით კი ბაგრატ III-მ ატენის ციხე სამეფო ხელისუფლებას დაუქვემდებარა. ბაგრატ IV-ისა და დავით აღმაშენებლის ხანაში ატენის მნიშვნელობა კიდევ გაიზარდა და აქ სამეფო საჭურჭლეც ინახებოდა. ნაშრომში საარქივო და ნარატიული წყაროების საფუძველზე გაანალიზებულია ატენისა და ტანას ხეობის პოლიტიკური მნიშვნელობა X-XII საუკუნეებში.