რუსეთ-საქართველოს 1921 წლის ომი და სანგარი №4

ანოტაცია

1921 წლის რუსეთ-საქართველოს ომის სამხედრო ისტორიის შესასწავლად ნაშრომი ერთმანეთს ადარებს წერილობით წყაროებსა და 2017 წელს ტაბახმელას №4 სანგარზე ჩატარებული არქეოლოგიური ექსპედიციის მასალებს. პირველი ნაწილი 19-24 თებერვლის საბრძოლო მოქმედებებს, განსაკუთრებით 24 თებერვლის მძიმე ბრძოლას განიხილავს. არქეოლოგიურად აღმოჩენილი მცირე რაოდენობის საბრძოლო მასალა ამ ბრძოლების მასშტაბის უარყოფის საფუძვლად ვერ გამოდგება, რადგან გათხრილი იყო პოზიციის მხოლოდ მცირე ნაწილი და საბრძოლო მასალის შეგროვებაც გავრცელებული პრაქტიკა იყო. მეორე ნაწილში სხვადასხვა ტიპის ტყვია-წამლის აღმოჩენები შედარებულია საარქივო ცნობებთან, რაც ქართული არმიის საბრძოლო მასალის დეფიციტისა და მრავალფეროვანი შეიარაღების შესახებ წერილობით ცნობებს ადასტურებს.