წმინდა ნინოს „ცხოვრების“ ბოდლეს ბიბლიოთეკაში დაცული ხელნაწერი

ანოტაცია

წმინდა ნინოს ღვაწლისადმი მიძღვნილი მრავალი ჰაგიოგრაფიული თხზულება არსებობს, რომლებიც წმინდანის „ცხოვრების“ სხვადასხვა რედაქციად შეიძლება დაჯგუფდეს. ერთ-ერთი ასეთი ხელნაწერი დაცულია ბოდლეს ბიბლიოთეკაში, მარჯორი უორდროპის კოლექციაში (MS. Wardr. e. 2) და დაახლოებით XVIII საუკუნით თარიღდება. ტექსტი ძირითადად ლეონტი მროველის რედაქციას მიჰყვება, თუმცა მასთან შედარებით რამდენიმე საყურადღებო განსხვავება აქვს. სწორედ ამ თავისებურებებმა განაპირობა ხელნაწერის სრული ტექსტის გამოცემის საჭიროება. პუბლიკაცია სასარგებლოა წმინდა ნინოს ჰაგიოგრაფიული ციკლისა და მისი ტექსტური ისტორიის მკვლევართათვის.