შუა საუკუნეების ისტორიის შესწავლა საქართველოში (XX საუკუნის 50-იანი წლების შუა ხანებიდან 1991 წლამდე)

ანოტაცია

წინამდებარე ნაშრომი ისტორიოგრაფიული ხასიათისაა და მიზნად ისახავს საქართველოში შუა საუკუნეების ისტორიის კვლევის ერთი ძალიან საინტერესო პერიოდის შესწავლას. იგი იწყება 1950-იან წლებში, ი. სტალინის გარდაცვალების შემდეგ და მთავრდება საბჭოთა კავშირის დაშლით 1991 წელს.

ამ დარგის განვითარებაში მთავარი წვლილი შეიტანეს პროფესორებმა გიორგი ტივაძემ, გივი ჟორდანიამ, კუკური ლილუაშვილმა, კარლო მეშველიანმა, გრიგოლ ჩხარტიშვილმა, ირაკლი ბერიძემ, გურამ კუტალიამ, ლუარსაბ შუბლაძემ და ირინე ნოდიამ.

თუ მათ ნაშრომებს მარქსისტულ საბურველს შემოვაცლით, დავინახავთ, რომ მათი ნაწარმოებების დარჩენილი ნაწილი უდაოდ ღირებულია. მაგრამ, მიუხედავად ამ დადებითი ასპექტებისა, მათი ნამუშევრები უნდა გახდეს აკადემიური განხილვის ობიექტი.