ჟურნალ „ქართული წყაროთმცოდნეობის“ XXI ტომის პრეზენტაცია

ანოტაცია

ივანე ჯავახიშვილის სახელობის თბილისის სახელმწიფო უნივერსიტეტში ტრადიციულად გაიმართა სამეცნიერო ჟურნალ „ქართული წყაროთმცოდნეობის“ XXI ტომის პრეზენტაცია. გამოცემა მოიცავდა სამეცნიერო სტატიებს, ქრონიკას, წიგნების მიმოხილვებს, კომენტარებსა და მოსაგონარ მასალებს. პრეზენტაციას ესწრებოდნენ სხვადასხვა თაობის მკვლევრები, ახალგაზრდა მეცნიერები და სტუდენტები; ღონისძიება გახსნა ისტორიისა და ეთნოლოგიის ინსტიტუტის დირექტორმა, ხოლო ტომი ჟურნალის რედაქტორმა მარიამ ჩხარტიშვილმა წარადგინა. შეხვედრაზე ავტორებსა და თანამშრომლებს სიტყვით მიმართეს კოლეგებმა, ხოლო ლადო მირიანაშვილი ჟურნალთან ხანგრძლივი და ნაყოფიერი თანამშრომლობისათვის დაჯილდოვდა.