ელენე ცაგარეიშვილის ხსოვნას

ანოტაცია

გარდაიცვალა გამოჩენილი ქართველი წყაროთმცოდნე და არმენოლოგი ელენე ცაგარეიშვილი, რომლის კვლევის მთავარი სფერო საქართველოს ისტორიის სომხური წყაროები იყო. იგი ილია აბულაძის სამეცნიერო სკოლის წარმომადგენელი გახლდათ და არაერთი შუა საუკუნეების სომხური საისტორიო ტექსტი ქართულად თარგმნა, გამოსცა და მეცნიერული კომენტარები დაურთო. მან მნიშვნელოვანი წვლილი შეიტანა აბულაძის დაუმთავრებელი ქართულ-სომხური და სომხურ-ქართული დოკუმენტირებული ლექსიკონის დასრულებაშიც. ელენე ცაგარეიშვილი აქტიური პედაგოგიც იყო და ხელნაწერთა ეროვნულ ცენტრში ახალგაზრდა მკვლევრებს ძველ სომხურ ენას ასწავლიდა. მისი გარდაცვალება ქართული აკადემიური საზოგადოების დიდი დანაკარგია.